Intervistat

Një hap drejt ndryshimit. Synimi i ri i kantautorit melankonik. Redon Makashi. Gjithçka që do të përcillet në albumin e tij të dytë “ C‘më ndodh pa ty „. Rrëfimi mbi këngët ku nuk do të kenë ndjenjë “ Të urtë „  brenda tyre por edhe urrejtje. protestë. ndaj fatit të keq. Trishtimi që kapërcen në një ritëm të shpejtë.

“ Dikur „ ishte albumi i tij i parë. Pastaj melankolia do të merrte dhenë. Këngët do të ngjizeshin nëpër fishkëllima e sinjale rinore. Ndërsa Redon Makashi. nuk gjente dot rehat brenda atij suksesi të bujshëm. Sepse ende nuk ishte “ zbrazur „ i tëri. në atë shirit të shkurtër kasete. I kishin mbetur shumë këngë. të “ padëgjuara „ mirë, të cilat i la për më vonë.  I la për atëhërë. kur adhuruesit e tij do të mund ta dëgjonin muzikën e tij. me po atë ëndje si dikur …

Dhe mendon se tani ka ardhur “ koha e bukur „ për një sukses tjetër. Ndaj ka ditë që i ka futur mirë në duar këngët e albumit të dytë. të cilin. si thotë ai : “ patjetër që do ta nxjerr në nëntor „

 

Brenda albumit “ C‘më ndodh pa ty „. nën këtë rrëfim trishtues do të shfaqen njëra pas tjetrës. nëntë këngët e reja të Redon Makashit. Në album sërish do të mbizotërojë dashuria. si e vetmja ndjenjë që e ngacmon keq kantautorin. Edhe këtë herë. pa anën e lumtur të saj. “ Lumturisë nuk i kam kushtuar asnjë këngë. Ka pritje. zhgënjime  të papritura. lot … „ Por të paktën Redoni ka filluar të merrët pak edhe me urrejtjen. me ndjenjën që proteston. duke, duke mos mbetur vetëm tek ajo e urta.. e brishta që vuan dhe tretet nga një humbje. Ndoshta është kjo arsyeja që e ka bërë Redonin të krijojë edhe  pak ritëm në muzikën e tij. “ E gjithë kjo shprehet qartë tek kënga që unë ua kam kushtuar djemve “ Përse më bëre të të urrej ? „. Ndërkohë kam edhe disa materiale të reja në këtë album që kalojnë tek pop-rroku. deri edhe tek ritmi shumë i shpejtë. „

Dhe gjithçka e bën vetë. Në fillim muzikën e cila pret shumë kohë që Redoni të ndërtojë një tekst për të qenë. ca fjalë që të zënë mirë vend brenda tingujve. " Dhe këtë e quaj si gjënë më të vështirë që bëj në një këngë“.

Gjithsesi nuk mundet t‘ia besojë askujt tekstet e këngëve të tij – “ Askush nuk do të arrinte në atë çka dua të shpreh unë me muzikën time. Atë që kam unë në kokë e shpreh ashtu thjeshtë fare. ndërsa të tjerët mund ta fryjnë „. Nuk do të pranonte kurrë poezi të mirfilltë nëpër këngët e tij. sepse filozofia e saj është diçka krejt ndryshe nga ajo që kërkon kënga. Ndërsa ndihet i lodhur për fjalët që sajon për një këngë. nuk përton ti rikthehet disa herë tastjerës dhe kitarës. për një këngë që mund të ketë vite që është ndërtuar e tëra. “ Unë muzikën e lë të stazhionohet. pasi e shoh si atë verën që. sa më shumë të rrijë në qilar. aq më e mirë bëhet. Edhe kënga sa më shumë të rrijë në duart e një muzikanti. bëhet më shumë tërheqëse. Me ndryshimin e kohës duhet të ndryshojë edhe diçka brenda saj. ndryshe nuk tërheq ose bëhet jo e kohës. „  

Redoni nuk do t‘ia bënte dot vetes këtë të keqe. pas suksesit që patën këngët të cilat u bënë himn i dashurisë. Ndaj vazhdon të punojë nën këtë parim. Nën këtë regull u ndërtuan edhe këngët e këtij albumi te ri. “ Gjithçka ka qënë si bosht. që në vitin 1997. e papërpunuar. Me kalimin e kohës. unë shtoja ose hiqja di4ka prej tyre. derisa i solla në formën që kanë sot. „

NOSTALGJIA E RINISË

Është i lidhur ende me nostalgjinë e rinisë. Kjo duket qartë në këngët “ Matura „. “ Se do ti them asaj „. “ Vjeshta „  ku personazhi del nga bankat e shkollës. i degdisur pas një marazi. pas një pengu për atë që shkoi dhe s‘e gjen dot më. Te kënga “ Vjeshta „. djali shfrytëzon gjethet e vjeshtës që bien mbi flokët e vajzës. për ta prekur pak atë që dashuron marrëzisht dhe më pas thotë : Ndër gjethe gishtat mu ngatërruan keq / Ato padashur u bënë dëshmimtarë / dhe panë se si lindi kjo dashuri „

Nuk dihet nëse është vetë Redoni preh e këtyre ndjesive. – “ Kam diçka nga vetja. por gjithçka e zbukuroj edhe me “ hallet „ e të tjerëve. Ju siguroj që nuk është vtëm Redoni në ato këngë por edhe shumë të rinj të tjerë. Sepse të gjithë janë të prekur nga problemet e dashurisë „. Ndërsa mendon të bëjë një duet me Mira Saraçin. me të cilën do të shprehë atë çka nuk mundën ta thonë mes tyre dy shokë të ngushtë maturantë. Dhe e ka titulluar “ Pse hesht „ atë këngë. Ndërkohë që nuk ka gjetur një titull të përshtatshëm për dy këngët e fundit të albumit. Gjithsesi. gjithçka është gati. “ Albumin mund ta kisha nxjerrë edhe para një viti. por është e vështirë të gjesh një “ dorë bamirëse „. të cilën nuk e kam edhe aq shumë të lehtë ta gjej „. Edhe pse ka “ rënë „ në gjurmët e disa pikave të mundshme. nuk para ka shumë besim. ndoshta ngaqë është i bindur tashmë se lekët hidhen më lehtë kur bëhet fjalë për vajza të bukura me minifunde. – “ Për ne djemtë zor se e liron kush dorën „.

Por do të kalojë edhe ky problem. Pastaj Redoni do të fillojë inçizimin e këngëve te studio “ Jess „. ndërsa për shitjen e kasetave ende nuk e ka ndarë mendjen. “ Sepse tani edhe piratët janë bërë një shqetësim më vete për ne“

Si të mos mjaftonin problemet e zakonshme që dalin në Shqipëri. aq sa nuk mund të ndërtosh dot një video për të qenë. “ Edhe pse kam kaq shumë kohë që e mendoj një realizim të tillë artistik „.

TRISHTIMI I REDONIT

Portreti i tij ka kohë që është futur në kuadrin e njërëzve të trishtuar. Mjaftonte një tingull i këngës së tij dhe shumë lehtë mund të quhej kantautori më melankolik i skenës shqiptare. Dhe Redoni vinte buzën në gaz me këtë konstatim të sigurt të dëgjuesëve mbarë. E dinte se që i vogël e kishin tërhequr këngët me muzikë të trishtuar. edhe pse ato ishin anglisht edhe ai nuk i kuptonte. Por nuk kishte si ta dinte se trishtimi do të bëhej vërtet pjesë e tij. Dhe nuk mendon se e gjithë kjo vjen nga natyra e tij. Më shumë e gjen përgjigjjen tek ajo që ndodh rreth tij. Më shumë e gjen përgjigjjen tek ajo që ndodh rreth tij. si me të gjithë shqiptarët e tjerë. “ Vetëm se unë kam mbetur ende shumë i ndieshëm. Tani jam vetëm fare mes dy – tre miqsh. me Eltonin dhe me Aleksandrin.

Por nuk ka më pranë vetes instrumentistët. anëtarët e grupit me të cilët nuk ndodhi kurrë që të zhytej në zymtësinë e tingujve të këngëve. siç i ndodh tani. “ Ndaj ende nuk e kuptoj se si vazhdoj të qëndroj këtu pa ta „. Ikja e miqve e ka vrarë shumë. Ndaj është i sigurt se ndryshimi ka filluar të ndodhë tek Redon Makashi. “ Sepse këtu po ndryshon gjithçka. Brenda ndryshimeve të gjithësisë. po ndryshoj edhe unë. Kështu do t‘i përshtatem kohës „. Ky ndryshim e ka nxjerrë pak kokën që në këngët e këtij albumi. por më qartë ai do të shpërthejë në albumin e tretë. Ku ndoshta do të zerë pak vend edhe ndonjë problem social i shoqërisë. “ E them i sigurt këtë gjë. sepse pak a shumë i kam në tastjerë edhe këngët e albumit të tretë „. Gjithçka sipas një rregulli të tij.

Ndaj ditën vazhdon të punojë në dhomën e tij. mes dy tastjerave. kitarës dhe aparaturave të fonisë. Ndërsa natën thurr tekstet e thjeshta. Pa e kufizuar veten në kohë. Ndoshta ngaqë gjithmonë gjërat i ka gjysmë të gatshme nga e djeshmja … Dhe kur albumi të jetë gati. së bashku me miqtë e tij artistë. do të organizojë një ceremoni të vogël. në nder të këngëve të reja