Intervistat

Kur bëmë këtë bisedë me Redonin, ideja ishte që çdo gjë të ndahej nëpër rubrika të veçanta por ama kur po e dëgjoja përsëri me pëlqeu shumë bashkbisedimi edhe vendosëm që ta paraqesim kështu si një bashbisedim të cilin une Joela edhe Redoni e bëmë në një lokal të Tiranës

Redoni : datëlindja është 17 dhjetor 1970, kam kryer shkollën tetëvjeçare për pjano tek : “ Dëshmorët e lirisë „ pastaj… Liceun Artistik e kam mbaruar në vitin 1989 për klarinetë, po për klarinetë kam mbaruar edhe Institutin e Lartë të Arteve, njëkohësisht kam vazhduar edhe për pjano dhe kitarrën e kam mësuar privatisht. Kurse për të kënduar mund të them se kam kënduar që në shkollë të mesme, madje që në shkollë tetëvjeçare që në klasë të pestë i bija pjanos edhe…

Ami- : Kur e ke bërë krijimin e parë ?

Redoni :Krijimi im i parë ka qenë … po flas për shoqërinë e klasës …

Ami- Krijimin e parë tëndin.

Redoni : Kam qënë diku tek klasa e pestë.

Ami- : Edhe çfarë ishte ?

Redoni : Ka qënë një pasazh, jo këngë, ka qënë një diçka në pjano më tepër se sa këngë pastaj nga klasa e shtatë ka qenë ajo kënga e parë, kupton, ndjenjat e para e ke prasysh ?… Kushtuar një vajzës së klasës

Ami- : Vërtet ?  wow …

Redoni : Ngeli kështu ajo, ngeli këngë … dmth që vetëm unë e mbaj mend. S‘ka dalë më vonë

Ami- : Nuk e ke përpunuar më vonë ?

Redoni : Jo jo, ishte shumë fëminore. Pastaj në 89‘

Ami- : E ke ? e ruan ?

Redoni : Ku ? Atë ? jo s‘e kam të inxhizuar në kasetë vetëm e di kështu vetë.

Ami- : ha ha ha ha ha ha …

Joela : ha ha ha ha …

Joela : Do të ishte shumë fantastike, gjëja më e bukur që do të ishte.

Ami- : Vërtet do të ishte shumë e lezetshme. Dëgjo, po pate rast ta inçizosh …

Joela : vërtet do ishte diçka fantastike.

Redoni : Jo jo s‘e inçizoj se nuk ka vlera ajo. Edhe pastaj në klasë të tetë kam pasur një shokun tim Genci Gjebrean që këndonim me kitarrë, ndonjë këngë të bitëll-save kështu, po ishim akoma të painformuar mirë. ka qënë shumë e vështirë në ato kohë. Dihet që me vështirësi i dëgjonim ato radiot. Pastaj në shkollë të mesme u njohëm me Bledar Seikon, në kllapa   “ Qepa „ .

Ami- : E di, se e kam pasur qejf atëherë, më kujtohet që kalonte rrugës atëherë edhe bënte melodi duke patur kitarrën tek supi. E mban mend ?

Joela : ha ha ha ha …

Redoni : Po po, pikërisht kështu pa filluar shkollën e mesme e kam njohur, në pushimet e verës pasi mbarova klasën e tetë e kam njohur në rrugë, se e kam edhe në lagje. Ishte ulur aty në trotuar kishte mbledhur disa kalamaj duke i rënë kitarrës, edhe për moshën që kishte ishte një kitarrist shumë i mirë. Ndodhi që u puqëm në një klasë në lice edhe i thashë unë : mos ke qënë filani